நாம் எந்த கீரை சாப்பிட்டால் என்ன பலன் கிடைக்கும் ????

Get your Jet Airways ICICI Bank Sapphiro Credit Card now! Check your eligibility here!










கொத்தமல்லி கீரை: மூளை, மூக்கு சம்பந்தமான சகல வியாதிகளும் குணமாகும். பசியைத் தூண்டும்.

அரைக்கீரை: நரம்பு தளர்ச்சியை போக்கும். தாய்ப்பால் பெருகும்.

வள்ளாரை: நினைவாற்றலை அதிகமாகும். யானைக்கால் நோய் குணமாகும்.

அகத்திக்கீரை: மலச்சிக்கலைப் போக்கும்.

முளைக்கீரை: பல் சம்பந்தமான வியாதிகளை குணமாக்கும்.

பொன்னாங்கன்னி: இரத்தம் விருத்தியாகும்.


தர்ப்பைப் புல்: இரத்தம் சுத்தமாகும். கஷாயம் வைத்து பருகவும்.

தூதுவளை: மூச்சு வாங்குதல் குணமாகும்.

முருங்கை கீரை: பொறியல் செய்து நெய்விட்டு 48 நாட்கள் சாட்பபிட தாது விருத்தியாகும்.

சிறுகீரை: நீர்கோவை குணமாகும்.

வெந்தியக்கீரை: இருமல் குணமாகும்

புதினா கீரை: மசக்கை மயக்கம், வாந்தி குணமாகும்.

அறுகீரை: சளிக்காய்ச்சல், டைபாய்டு குணமாகும்

Get your Jet Airways ICICI Bank Sapphiro Credit Card now! Check your eligibility here!

Read More

Navaratri 2012

 Navaratri 2012

This year we celebrated Navaratri Festival  grandly. 

Navaratri – The Festival of Nine Nights

The word ‘Nava’ means nine and ‘ratri’ means night and the festival Navaratri meaning ‘nine nights’ commences from the first day of the bright fortnight of the lunar month of Ashwin, which is then celebrated for 9 nights.

Navaratri is celebrated every year during the months of September and October to commemorate the victory of good over evil and the 3 dominant Goddesses worshipped on Navaratri are Goddess Durga, Goddess Lakshmiand Goddess Saraswati, who share three nights of the nine nights of the Goddesses each.

Navaratri or the Nine nights/Moons of the Goddess is an important time period wherein the Supreme Goddess in the forms of Ma Durga the Warrior Goddess, Ma Lakshmi the Goddess of Wealth and Ma Saraswati the Goddess of Wisdom, jointly destroy the demons.

Navaratri Dedicated to 3 Main Forms of the Goddess

The 9 nights of Navaratri are dedicated to three aspects of the Goddess in their fierce forms with multiple hands and multiple psychic weapons. The 9 nights of Fierce fighting produce an accumulative effect as each Goddess takes her turn to fight the battle for different aspects of ultimate perfection inside and out. The battle ends in victory as the demons are killed on the 9th night

First 3 Nights – Goddess Durga

Goddess Durga is a form of Parvati and She is depicted riding on a tiger, wielding weapons and killing demons. Ma Durga fighting demons is not relevant in the human realm however in the invisible realm demons are evil forces and energies. There are stories and details of her graphic battles from times immemorial and Goddess Durga fights against it for us. On Navaratri, Goddess Durga:

• Destroys all of our impurities, vices, defects and gains us purity and perfection
• As per Vedic Astrology, Durga is the overlord of planet Rahu and Her energy counteracts the negative influences of Rahu.

Middle 3 Nights – Goddess Lakshmi

Lakshmi is the Goddess of Wealth. There are many who consider her to be the most important of all the goddesses as she represents wealth. Ma Lakshmi or Goddess Lakshmi destroys the demon of scarcity and grant never-ending riches.

• Destroys the demon of poverty and grant inexhaustible wealth and abundance
• As per Vedic Astrology, Goddess Lakshmi is the overlord of the planet Venus; She brings pleasures, comforts and fun into your life.

Final 3 Nights – Ma Saraswati

In Sanskrit ‘Sara’ means essence and ‘Va’ means the self therefore meaning knowledge of the true self which is all knowing and all powerful. Ma Saraswati is most widely known as the Goddess of Education. She is also the Goddess of Wisdom, learning, intelligence, skills, the creative arts and She wants to inspire others to excel and stimulate creativity in the world. On Navaratri, Goddess Saraswati:

• Destroys the demon of ignorance and grants us knowledge and divine wisdom
• While Saraswati is not the overlord of any planet, Her energy is essential for discrimination, academics and performing arts.

Vijaya Dasami – The Victory Day of Navaratri

The 9 nights of Goddess, Navaratri generates and accumulates the power required to destroy demons, who are very powerful. The 9th night is the peak of this energy build up and the demons are destroyed. On the 10th Moon, this victory is consolidated and celebrated as Vijaya Dasami.

Significance of Navaratri

Navaratri is the time to cleanse our own evil characteristics like hatred, jealousy, ignorance, anger, greed, violence, etc. inside and outside of us. It is important to understand that each of the negative human qualities exists in the form of demons, externally in the invisible sphere.

Read More

Ponniyin Selvan

Ponniyin Selvan (Tamil: பொன்னியின் செல்வன், English: The Son of Ponni) 20th-century Tamil historical novel written by Kalki Krishnamurthy. This narrates the story of Arulmozhivarman (later crowned as Rajaraja Chola I), one of the kings of the Chola Dynasty during the 10th-11th century..

Pl click her to download Ponniyin Selvan பொன்னியின் செல்வன் - Ebooks

Part 1 : http://www.ziddu.com/download/19783733/ponniyinselvan1.pdf.html

Part 2 : http://www.ziddu.com/download/19783748/ponniyinselvan2.pdf.html

                                      Part 3 : http://www.ziddu.com/download/19783757/ponniyinselvan3.pdf.html

Read More

Masilamaneeswarar - மாசிலாமணீஸ்வரர்

Masilamaneeswarar Temple is located in Vada Thirumullaivoyal near Avadi,Chennai.

King Tondaimaan built this temple. Masilamaneeswarar Temple is the 22nd of the 32 Tevara Padal Petra Stalams in the Tondainadu region of South India.  Saints like

Arunagirinadhar, Sundhara, Vallalar and many others has sung songs in this temple.

This information can be witnessed in Temple Kalvettu.

Main Shrines:

• Lord Shiva as Masilamaneeswarar (மாசிலாமணீஸ்வரர்)
• Devi Sakthi Matha as Kodiyidai Nayaki Amman(கொடியிடை   நாயகி)

Devi Kodiyidai Amman is one of the Tri-Shakti. Devi Kodiyidai Amman represents Kriya Shakti (Power of Activity). The other two temples are Melur Thiruvudai Amman Temple representing Iccha Shakti (Power of Will) and Thiruvottiyur Vadivudai Amman Temple representing Jnana Shakti (Power of Knowledge).

Statues in this Temple

Lord Shiva Statue:

• Sri Dakshinamurthy (தக்ஷினமுர்த்தி)
• Sri Solpureeshwarar (சொழபுரீஸ்வரர்) Shiva Lingam
• Sri Kusalapureeshwarar (குசலபுரீஸ்வரர்) Shiva Lingam

Lord Ganesha Statue:

Temple Pond

• Sri Prasanna Vinayagar (பிரசன்ன   விநாயகர்)

Lord Murugan Statue:

• Sri Muruga
• Sri Subramaniar with Valli and Deivanai

 Other Lord Statues

•  Suriyan (சூரியன்)
•  Veerabhadrar (வீரபத்ரர்)
•  Nagalingam (நாகலிங்கம்)
•  Rasalingam (ரசலிங்கம்)
• Tondaiman Chakravarti (தொண்டைமான்   சக்கரவர்த்தி)
• Arunagirinathar (அருணகிரிநாதர்)
• Nayanmars  (நாயன்மார்)

HOW TO REACH:

Nearest Railway Station is Ambattur, Avadi, from their many MTC bus running thru this route. Many Share Auto can be found in this route.

Get down in Thirumullaivoyal Bus Stop. 5 -10 mins walk able Distance from Thirumullaivoyal Bus Stop.

After Passing Famous Pachaiamman temple one can Reach  Masilamaneeswarar Temple.

ABOUT TEMPLE HISTORY

Mullai Creeper

VANAN, ONAN two DEMONS rules this place and gave more troubles to the peoples of this region. People complaint about the problem to King Thondaiman and asked to save their life from DEMONS. King with his soldier went to fight with Demons. He realised it was very difficult to win. Suddenly his Elephant leg was rolled within Mullai Creeper. King removed Creepers with his Sword, but suddenly there was huge blood pouring from creepers. He found there was a SHIVA LINGAM and blood is pouring from SHIVA LINGAM. He prayed Lord Shiva to apologies his mistake. Lord Shiva appeared and forgives him. Lord Shiva gave Nandhi Vaghanam to King. Nandhi Vaghanam helped king to win the battle and saved people in this region.

King Tondaiman Built this temple in thirumullaivoyal with two White Erucan pillar and named SHIVA LINGAMas MASILAMANEESWARAR. Still now you can see thistwo White Erucan pillar near SHIVA LINGAM. LordSHIVA LINGAM   was fully covered with Sandalwood powder. Once in a year, during Chitrai month (Tamil Month) Sathayam Star, New sandalwood powder will be replace on Shiva Lingam.

Thapa Utsav

Temple Special Occassions

Friday with Full moon day is very famous. Special Poojas done on Maha Shivarathri, Monthly Shivarathri, Prodhosam. Huge people can be seen during these days only.

Other times this temple will always remain lonely in nature. Since the temple is very lonely and clam one can sit and chant or can do Meditation without any disturbance.

“OM SHIVA SHIVA OM”:  “OM NAMA SHIVAYA“:   “OM SHIVAYA NAMAHA”

Read More

காயமும் மருந்தும்

காயமும் மருந்தும்

  நரேந்திரன்

மணி இரவு 8.00. பாத்திரம் கழுவி கொண்டிருந்தபோது தொலைக்காட்சியில் செய்திகள் ஆரம்பித்தன.. "இன்றைய முக்கிய செய்திகள்.. ரஷ்யாவில் கோர சம்பவம்.. பிணைக்கைதிகளாக பிடித்து வைக்கப்பட்டிருந்த 300-க்கும் மேற்பட்ட சிறுவர்கள் பலி.. சென்னையில் பயங்கரம், மர்ம கொலைகள் தொடர்கின்றது. விரிவான செய்திகள் சில நொடிகளில்..விளம்பரங்கள் ஆரமபித்தன. வழக்கமான விளம்பரம். சற்றே கரிய நிறத்தோடு இருக்கும் பெண், அந்த நிறுவனத்தின் "க்ரீம்" தேய்த்தவுடன் கொஞ்சம் நிறம் கூடுதலாக பெற்று தன்னம்பிக்கை அடைந்து தானே மாப்பிள்ளையை தேர்வு செய்வதாக விளம்பரம்.. என்ன பைத்தியக்காரத்தனம்....

மனதிற்குள் லேசாக சலிப்பு.. பின்னே 38 வயது வரைக்கும் எனக்கு ஒரு ராஜ குமாரன் வருவான் என்று காத்திருந்து காத்திருந்து உணர்வுகள் அனைத்தும் மரத்து போன சோகம்.. இத்தனைக்கும் எனக்கு நல்ல படிப்பு, அறிவு , கை நிறைய சம்பாதிக்கும் வேலை எல்லாம் இருந்தும் ஒரு உபயோகம் இல்லை. எனக்கு கல்யாணம் நடக்காததற்கு முக்கிய காரணம் எனது நிறம். என் குடும்பததில் நான் மட்டும் தான் கரிய நிறம் கொண்டவள். என் தங்கை அக்கா மற்றும் உறவினர்கள் அனைவரும் நல்ல சிவப்பு .. நான் மட்டும் தான் தப்பி பிறந்தேனாம்.. மருத்துவமனையில் இடம் மாறி வந்து விட்டேன்.. என்று எல்லோரும் கேலி செய்வார்கள்.. என் பாட்டி தான் என்னை அந்த கிண்டல்கள், கேலிகளிடம் இருந்து காப்பாற்றி வளர்த்தாள். என் பாட்டியும் என்னை போலத் தான்.... என்னை பெண் பார்த்து சென்ற அத்தனை பேர்களிடமும் விழுந்து விழுந்து உபசரித்தவளும் அவள்தான்..

தொலைக்காட்சியில் திடீர் என்று சத்தம் அதிகமாக கெட்டது. குண்டு வெடிக்கும் சத்தத்துடன், ரத்த கோலத்துடன் ஒரு குழந்தை ஒடி வரும் காட்சி...".ரஷியாவில் நடந்த தீவிரவாதத்திற்கு உலக தலைவர்கள் கடும் கண்டனம் தெரிவித்தனர்.............. சென்னையில் பயங்கரம்.. மர்ம கொலைகள் தொடர்கின்றன.. நேற்றிரவு பிரபல இயக்குனர் கழுத்தறுபட்டு கொல்ல பட்டார். இவர் சென்ற ஆண்டு சிறந்த விளம்பர பட இயக்குனர் விருது வாங்கியவர் என்பது குறிப்பிடத்தக்கது.. சென்ற வாரம் ஒரு பிரபல நடிகரும், தனியார் நிறுவன முதல்வரும் இதே முறையில் கொல்ல பட்டது திரைத்துறையினரையும் சென்னை மக்களையும் பீதி அடைய வைத்துள்ளது.. காவல் துறையினர் வெகு விரைவில் குற்றவாளியை பிடித்து விடுவோம் என்று நம்பிக்கை
தெரிவித்துள்ளனர்..."

"எங்கே பார்த்தாலும் கொலை கொள்ளை என்ன உலகம்டா இது.. "

இந்த கறை வேற எவ்வளவு அழுத்தி தேய்த்தாலும் போக மாட்டேங்குது.. என் நிறத்தை போல.. எத்தனை "க்ரீம்", "பவுடர்" போட்டாலும் அதே கருப்பு நிறம் தான். என் பாட்டி இருந்தவரை நிறைய மஞ்சள் மற்றும் இயற்கை மூலிகை வைத்து என் சருமத்துக்கு மெருகூட்ட முயற்சி செய்வாள்.. ம்ம்... அவள் போய் சேர்ந்து இன்றோடு 2 மாதம் ஆக போகிறது..

நான் என் பாட்டியை பிரிந்து இவ்வளவு நாள் இருந்தது கிடையாது.. இதற்காகவே வேலை விஷயமாக வெளிநாடு போக வந்த வாய்ப்பையெல்லாம் மறுத்திருக்கிறேன்.. அப்படியெ சென்றாலும் ஒரு வாரம் இரண்டு வாரம் தான். ஆனால் இரண்டு வாரத்திலேயெ அந்த சமூகத்தை பற்றி கற்க நிறைய விஷயம் இருந்தது... மேற்கத்தைய சமூகத்திற்கும் நமக்கும் தான் எவ்வளவு வித்தியாசம்.. எத்தனை வகை வகையான மனிதர்கள், வகை வகையான நிறங்கள்... நிறத்தின் பெயரால் நாற்பதாண்டுகளுக்கு முன் வரை உரிமைகள் மறுக்க பட்டிருந்தோர் இன்று கலை, மற்றும் விளையாட்டு உலகத்தின் முன்னோடிகள்.. ஆச்சர்யம் என்ன வென்றால், நிறைய பெண்கள் கலைத்துறையில் "ஹீரோயின்"களாகவே நடிக்கின்றனர்... அதை பாட்டியிடம் சொன்ன போது அவள் நம்பவே இல்லை.. "அது எப்படி, நம்மூர்லெயே தொலைக்காட்சி, திரைப்படத்திலெ கருப்பு நிற "ஹீரோயின்"-னை பாக்க முடியலே.. வெள்ளைக்காரன் போயா பாக்க போரான்" என்று சொன்னாள்.. நான் அந்த நடிகைகளின் படத்தை அவளுக்கு காண்பித்த போது கூட நம்பவில்லை....

மறுபடியும் தொலைக்காட்சியில் சத்தம்.. சத்தத்தை எப்படி குறைப்பது என்று வேறு தெரியவில்லை.. பார்ததால் புதிதாய் வந்த படததில் இருந்து ஒரு பாட்டு..

சே..என்ன தான் தேய்ச்சாலும் இந்த பாத்திரத்தில் இருக்கும் கறை வேற சீக்கிரம் போக மாட்டேங்குது..

சென்ற வாரம் கொலை செய்ய பட்ட அந்த நடிகர் படத்தில் பாட்டு பாடி ஆடி கொண்டிருந்தார்.. அட்டைக் கரி போன்ற நிறத்தில் இருக்கும் அந்த நடிகருக்கு இரண்டு வெள்ளைக்காரிகள் போல இருக்கும் "ஹீரோயின்"கள்.. சிரிப்பு தான் வந்தது.. பாட்டி சொன்னது சரிதான்.. நம்ம ஊர் மக்கள் முக்கியமாக கலைத்துறையில் கருப்பு நிற பெண்களை சமமாக மதிப்பது இல்லை தான்.. ஆனால் அதற்கு காரணம் தான் பிடி பட மாட்டேங்குது.. ஒரு வேலை வெள்ளைக்காரன் ஆட்சியால் வந்த மோகமோ.. அப்படி இருந்தாலும் அது போய் தான் 50 ஆண்டு ஆச்சே.. இன்னும் ஏன்.. இந்த வெள்ளை மோகம்.. ஏதாவது அறிவியல் காரணம் இருந்தாலும் பரவாயில்லை.. ஆனால் அதிலும் வெள்ளைத்தோலுக்கு தான் "தோல் புற்றுநோய்" வர சாத்தியம் அதிகம் என்று அறிவியல் கூறுகின்றது.. ம்ம்ம்..

வாசலில் ஏதோ ஒரு கார் வந்து நிற்கும் சத்தம். சீக்கிரம் கழுவி முடிக்க வேண்டும்.. இன்னும் ஒரு  கறை இருக்கிறது.. எனக்கு என்னவோ எந்த விஷயத்தை செய்தாலும் அதை சரியாக எந்த குறையும் இல்லாமல் செய்து முடிக்க வேண்டும்.. எல்லாம் பாட்டி கற்று கொடுத்தது.... யாரும் வந்து அழைப்பு மணியை அடிக்கவில்லை.. பக்கத்து வீட்டிற்கு வந்த கார் போல இருக்கிறது.. தொலைக்காட்சியைப் பார்த்தால் எதுவோ விளம்பரம் ஒடி கொண்டிருந்தது.. இளம்பெண்கள்.. வித விதமான புடவைகளில் தோன்றினார்கள்.. எதுவோ துணிக்கடை விளம்பரம்.. வழக்கம் போலத்தான் இந்த விளம்பரமும்...இப்பொழுதெல்லாம் இந்த விளம்பரங்களை பார்த்தால் வெறுப்பாய் இருக்கிறது..

பாட்டி என்னை விட்டு பிரிந்த பின் எனக்கு வாழ்க்கையில் பிடிப்பே இல்லை.. என்னை என்னிடம் இருந்து காப்பாற்ற யாருமே இல்லை.. என் கோபத்தை எல்லாம் கட்டுப்படுத்தி வந்த பாட்டியும் இல்லை...அவளிடம் நான் எவ்வளவு கோப பட்டாலும் அமைதியாக கேட்டு கொண்டிருப்பாள்.. பாதி புரிய வில்லை என்றாலும் கூட... அவளுக்கு நான் பேசும் "மீடியா", "soft power" எல்லாம் புரியுமா என்பதே சந்தேகம் தான்..

பாட்டி.. ஏன் பாட்டி என்னை விட்டுட்டு போனே.....

"அசடு.. ஏண்டி அழறே..நீ என்ன செய்யணும்னு நினைக்கிறியோ அதை தைரியமா செய்.. நான் இருக்கேன்ல.."

திடுக்கிட்டு திரும்பினேன்.. என்னது பாட்டியா பேசறது.. இல்லை தொலைக்காட்சியில் வரும் தொடரில் ஒரு வசனம்..

எனக்கு பாட்டியே பேசியது போல ஒரு உணர்வு.. திடீர் என்று பாலைவனததில் நீர் வெள்ளம் புகுந்தது போல் ஒரு மகிழ்ச்சி.. அதற்கேற்றாற்போல இவ்வளவு நேரம் கழுவி கொண்டு இருந்த என்னுடைய "சமூக சீர்த்திருத்த" நடவடிக்கைக்கு பாத்திரமான 'கத்தி"யிலும் ரத்தக்கறை சுததமாக போய் விட்டிருந்தது.. அதை எடுத்து கொண்டு விளம்பரங்களுக்கு வசனம் எழுதும் வசன கர்த்தா வீட்டில் இருந்து கிளம்பினேன்…

முற்றும்

 

Read More

மீண்டும் ஒரு காதல் கதை

மீண்டும் ஒரு காதல் கதை

ஜெயஸ்ரீ கோவிந்தராஜன்

ஒரு நிறைந்த மனநிலையில் அந்தக் கவிதைத் தொகுப்பைப் பிரிக்க ஆரம்பித்தேன். கவிதைகளின்மேல் ஆர்வம் போய்விட்டாலும், பரிசாக      வந்த புத்தகம் என்பதும், அப்பா வருகிறேன் என்று ·போன் செய்திருப்பதால் மதியம் தூக்கம் வராமல் இருப்பதும் புத்தகத்தைப் புரட்டக் காரணங்கள். நடுவாக ஏதோ ஒரு பக்கத்துக் கவிதையில் படிக்க ஆரம்பித்து அங்கேயே கண் நின்றது. மேலே படிக்க ஓடாமல் சீதா என்ற பெயரைப் பார்த்ததும் என் வாழ்வில் வந்த அசோக மரத்தின் நினவுகளை வரிசையாக என்று இல்லாமல் முன்னும் பின்னுமாய்ப் புரட்டிப் போட ஆரம்பித்தது.

     "மஞ்சு, லாயர்ன்னு அப்ப நீ சொல்லிக்கவே முடியாதா? நீ என்ன வேலை செஞ்சிருக்கன்னு உனக்கே புரியுதா? உனக்கென்ன பைத்தியமா?" ஆதங்கத்துடன் கடைசியாகக் கேட்ட உஷாவும், "ஆனா முடிவு ஐம்பது சதம் ஏனோ எனக்குப் பிடிச்சிருக்குப்பா" சொன்ன ராஜரத்னமும் என்னிடம் புன்னகையை பதிலாக வாங்கிப் போய்விட்டார்கள். கேள்வி மட்டும் இன்னும் சுற்றிச் சுற்றி வந்துகொண்டே இருக்கிறது. அப்பாவிடம் இன்று ஒருநாள் வகுப்பில் இருந்துவிட்டு வருகிறேன் என்று சொல்லி அவரை அனுப்பிவிட்டு, வகுப்புக்குப் போகாமல் கல்லூரியின் அந்த நீளக் காரிடரின் கைப்பிடிச்சுவரில் உட்கார்ந்து கொண்டிருந்தேன். என்னவோ கொஞ்சம் சந்தோஷமும் துக்கமுமாய் கலவையான உணர்ச்சியாக இருந்தது. ஸ்ரீதரன்(எனக்கு மட்டும் ஸ்ரீதர்) படிப்பு முடியும் வரையில் இருவரும் அங்குதான் கிடைக்கும் நேரமெல்லாம் அமர்ந்து பேசிக்கொண்டிருப்போம். பக்கத்தில் லைப்ரரிக்கு நுழையும் அனைவருக்கும் அது ஒரு பழகிய காட்சிதான். எப்பொழுதிலிருந்து ஸ்ரீதர் வாழ்க்கையில் நுழைந்தான் என்று எத்தனையோ ஆயிரமாவது தடவையாக மீண்டும் யோசிக்க ஆரம்பித்தேன். அலுத்ததே இல்லை. கை அனிச்சையாய், கீழே விழுந்திருந்த அசோகமரக் குச்சியைத் தரையில் கீறிக் கொண்டிருந்தது.

    சந்துருவிடம் அட்ரஸ் வாங்கிக்கொண்டு திருவானைக்காவலில் அந்த வீட்டின் மணியடித்தோம். உள்ளிருந்து குக்கர் சத்தமும், தொடர்ந்து அரிசியும் பருப்பும் வேகும் கலவையான வாசமும் அதையும் தொடர்ந்து துண்டில் கையைத் துடைத்துக் கொண்டே ஸ்ரீதரனும் வந்தார்கள். காலையில் புதுநபர்கள் யாராக இருக்கும் என்ற ஆச்சரியத்தை மாட்டிக்கொண்டு வந்தவன், சராசரி உயரமாய், பிராமணச் சிவப்பாய் (ஆண்கள் சிவப்பாக இருந்தால் எனக்குப் பிடிக்காது), பூசிய கன்னமாய் ஆரோக்யமாக இருந்தான். அம்மா கொடுப்பதை எல்லாம் படுத்தாமல் சாப்பிட்டுவிடுவான் போலும். அவன் புறங்கையில் ஒட்டியிருந்த கீரைத் துணுக்கு, சமையலில் உதவியாய் இருந்தான் என்பதைச் சொல்லியது. அக்ரமத்துக்குச் சமத்தாய் இருக்கிறானே என்று எரிச்சலாக நான் அந்தத் துணுக்கையே வெறிக்க, 'அதனால் என்ன' என்பதுபோல் எந்த அலட்டலும் இல்லாமல் அதைச் சுண்டினான். 'நீ என்னைபற்றி எப்படி வேண்டுமானாலும் நினைத்துக்கொள்' என்பதுபோல் இருந்த அலட்சியம் எனக்குப் பிடிக்கவில்லை. ஆனால் மனதுக்குள் எதுவோ நழுவுவது போல் உணர்ந்தேன். 'யார்டா ஸ்ரீதர்', எங்கோ உள்ளிருந்து மென்மையாக வந்த பெண்ணின்(அவன் அம்மா?) குரலுக்கு அதைவிட மென்மையாக 'தெரியலை' என்றான். எப்படி அவர்களுக்குள் பேசுவது காதில்விழுகிறது என்று தெரியவில்லை. எங்கள் வீட்டில் ரகசியமே எல்லோரும் சத்தமாகத்தான் பேசுவோம். 'யார் வேணும்?' என்றான் அப்பாவிடம். கேள்வியில், 'சீக்கிரம் சொல்லுங்கள், குளித்து சந்தி செய்து சாப்பிட்டுவிட்டு காலேஜுக்குக் கிளம்பவேண்டும்' என்பதுபோல் ஒரு கடமை அவசரம் இருந்தது.

     "ஐ'யம் ரெங்கராஜன். பிஏ டு கலெக்டர். இவ என் டாட்டர். +2 முடிச்சுட்டா. லா தான் பண்ணனும்னு ஆசைப்படறா, சீட் கிடைச்சுடுத்து.." அப்பா பேச ஆரம்பித்தார். லா என்ற ஒற்றை வார்த்தைக்கு மட்டும் ஒரு பார்வையை என்மேல் வீசிவிட்டு முகத்தை மீண்டும் அப்பாவின்மேல் பொருத்தினான். எனக்கு அதற்குமேல் எதுவுமே சுவாரசியமாகக் காதில் விழவில்லை. இந்தச் சந்திப்பே தேவையில்லாத ஒன்று. உள்ளூரிலேயே இருக்கும் ஒரு சட்டக் கல்லூரியில் சேர்ந்து படிக்க, அதன் ஒரு சீனியர் மாணவனிடம் சென்று விசாரிக்க என்ன இருக்க முடியும் என்று தெரியவில்லை. அபத்தமாக உணர்ந்தேன். முதலிலேயே மறுத்தும் அப்பா கேட்கவில்லை. நான் சாதுவோ பயந்தவளோ இல்லை. எந்தப் பிரச்சனையையும் என்ன என்பதுபோல் நிமிர்ந்து பார்க்கக் கூடியவள். இரண்டு அண்ணன்களுக்குப் பின் ஒரே பெண். கொஞ்சம் மென்மையான மனதுடன் ஆனால் எக்கச்சக்க தைரியசாலி.  சின்னவயதில் ஒரு ஆதரவற்ற பாட்டியை தெருவிலிருந்து வீட்டிற்குக் கூட்டிவந்து அப்பாவிடம் சொல்லி அரசாங்கத்துக்கு மனுப்போட்டு அநாதைப் பென்ஷன் வாங்கிக் கொடுக்க வைத்தேன். ஒரு பைத்தியக்காரியை விடலைகள் கிண்டல்செய்ய, பொறுக்கமுடியாமல் வீட்டிற்கு வந்து அண்ணன்களைக் கூட்டிப்போய் சண்டை போடவைத்தேன். இப்படிப் பல நிகழ்வுகள் அப்பாவிற்கு என்னை எப்படி உருவாக்கவேண்டும் என்ற எண்ணத்தை விதைத்திருந்தது. சட்டப்படிப்பும் அதில் ஒன்று. என் இயல்பான தைரியமும் எண்ணிப்பார்க்க முடியாத சுதந்திரமும்.. அதுவே கூட அப்பாவிற்குக் கொஞ்சம் பயமாக இருந்ததோ என்னவோ. மற்றபடி ஸ்ரீதர் மாதிரி இன்னும் 4 பேரை நானே பார்த்துக் கொள்ள முடியும் என்பதை அவர் அறிவார். [மதியம் மெயின்காட்கேட்டில் இருக்கும் சட்டக் கல்லூரியின் ஒரு மலையாள ஆசிரியையும் பார்த்துவிட வேண்டும் என்று சொல்லியிருந்தார். எனக்கோ இதெல்லாம் கேவலமாக இருந்தது. சொல்லிப் பயனில்லை.]  பேசிமுடித்து அப்பா கிளம்புகிறோம் என்று சொன்னபோது அப்பாடா என்று இருந்தது. நான் எதற்காக வந்தேன் என்றே தெரியாமல் எழுந்தேன். ஸ்ரீதரன் மாதிரி பழங்களை என்னால் தாங்கமுடிவதில்லை. காட்டாற்றின் வேகம் நான். என் நண்பர்களிடம் முக்கியமாக சந்துருவிடம் சொல்லி ஒருமுறை இவனைக் கலாய்க்கவேண்டும் என்று நினைத்துக் கொண்டேன். "அம்மா குளிக்கறா. அங்க ஷெல்·ப்ல குங்குமம் இருக்கு. எடுத்துக்குங்க", நான் எழுந்ததைப் பார்த்து மிகச் சாதாரணமாகச் சொன்னவனைப் பார்த்துத் தூக்கிவாரிப் போட்டது. குங்குமமா? நவராத்திரிக்குத்தான் நானே யாருக்காவது அதுவும் அம்மா சொன்னால் மட்டும் கொடுத்திருக்கிறேன். இதெல்லாம் மிகவும் அதிகமாகவே பட்டது எனக்கு. இவன் மாதிரி சமர்த்துகள் எல்லாம் என் அம்மா கண்ணில் படாமல் இருந்தால் காலத்துக்கும் நல்லது. பாவம் வயிறெரிந்தே செத்துவிடுவாள். என் அண்ணன்களோ நண்பர்களோ எந்தக் காலத்திலும் இந்த அலைவரிசையில் வரமாட்டோம். அப்பாவை முறைத்துவிட்டு, 'வளர்த்திருக்கா பாரு ஆத்தாக்காரி!' என்று மனதிற்குள் திட்டிக்கொண்டே விதியே என்று ஷெல்·பை நெருங்கி குங்குமச்சொப்பைச் சிரமப்பட்டுத் திறந்தேன். 'மை ·பாதர் இஸ் நோ மோர்' என்று பேச்சுக்கு இடையில் அவன் அப்பாவிடம் சொன்னது ஏனோ லேசாய் நினைவுக்கு வந்தது.

     கிளம்பும் போது மீண்டும் ஒரு பார்வை கொடுத்து மீண்டோம். "·பர்ஸ்ட் இயர், ந்யூ அட்மிஷனுக்கெல்லாம் என்னிக்கி ரி-ஓப்பன்" என்று அவன் (எதையாவது கேட்டுத் தொலைப்போம் என்ற தொனியில்) என்னிடம் கேட்ட ஒரே கேள்விக்கும் பதில் சொல்லாமல் தவிர்த்தேன். இவனுக்குத் தேதி தெரியாமலா இருக்கும்? 'எனக்கு உன்னைப் பிடிக்கவில்லை' என்று மனதிற்குள் அழுத்தமாகச் சொல்லிக் கொண்டேன். அவனுக்கும் அப்படியே என்று தெரிந்தது. முதல்வருடப் படிப்பிற்குக் கல்லூரி திறப்பதை எப்படி 'ரீ-ஓப்பன்' என்று சொல்லமுடியும் என்று அவன் வார்த்தைகளை ·ப்ரேம் போட்டு அர்த்தம் பார்க்க ஆரம்பித்தேன். டூவீலரை ஸ்டார்ட் செய்து அப்பா ஏறிக்கொண்டதும் அவனுக்கு ஒருமுறை கையசைத்தார். இடது கண்ணோரம், அவன் வாசலிலேயே நின்றுகொண்டிருப்பது தெரிந்தது. நிமிர்ந்து பார்க்கவேண்டும் என்ற என் ஆவலைக் கஷ்டப்பட்டு அடக்க வேண்டியிருந்தது. வண்டியை நோக்கி நடந்து வந்தபோது என் கொலுசின் சப்தம் கொஞ்சம் தயங்கித் தயங்கி மென்மையாக சிணுங்கியபடியே ஒலித்ததாக எனக்குத் தோன்றியது. வந்தபோது இருந்த ஜல்ஜல் திமிர் நிச்சயம் அதில் காணாமல் போயிருந்தது. Festember, இன்டர்காலேஜ் காம்படீஷன், கர்நாடக சங்கீதத்தில் முதல் பரிசு, மெல்லிசையில் இரண்டாம் பரிசு. கல்லூரியே பாராட்டி முடித்திருந்தது. இது ஆரம்பத்தில் எல்லா கல்வி நிறுவனமும் எனக்குச் செய்வதுதான். பின், தொடர்ந்து நான் வாங்கி வரும் கோப்பைகளையும் பரிசுகளையும் இதிலென்ன அதிசயம் என்று சகஜமாக எடுத்துக்கொள்வார்கள். வீடே அப்படித்தான் ஆகிவிட்டது. நான்குவயதில் மாறுவேடப் போட்டியில் ஜெயித்ததற்கு ஊருக்கெல்லாம் லெட்டர்போட்டாள் அம்மா என்று அண்ணன்கள் சொல்வார்கள். அப்புறம் மேலே மேலே பரிசுகள் வரும்போது வீடு கண்டுகொள்வதில்லை அதிகம். 'பெருமாள் சன்னதில வெச்சு எடுடி' என்று பாட்டி இருந்தவரை சொல்லிக்கொண்டிருந்தாள். அதன்பின் வாங்கும் மெடலை, வீட்டுக்கு வந்ததும் புத்தகப் பையிலிருந்து டி·பன் பாக்ஸ் எடுப்பதுபோல் இயல்பாக வெளியே எடுத்து வைக்க முடிகிறது. பெரிய கொக்கி ஆணியில் ஏன் எதற்கு என்று புரியாத பதக்கச் சரங்கள். 'மஞ்சுளா ரெங்கராஜன்' என்ற பெயரை பரிசுகளை அறிவிக்கும்போதெல்லாம் மைக்'குகள் உள்வாங்கி வெளிவிட்டுக் கொண்டிருந்தன.

     முதல்வர் அறைக்கு வெளியே எல்லோரும் சுற்றிநின்றிருக்கும்போது அந்தப் பக்கம் போன ஸ்ரீதரன் "கங்கிராட்ஸ்!" என்றான். சொல்லவே வந்தானா, வந்தபோது சொல்கிறானா என்பதையும் சொல்லிவிட்டால் தேவலாம். "தேங்ஸ், எப்படி இருக்கீங்க?", கேட்டு வைத்தேன். உள்ளே மீண்டும் என்னவோ நழுவிக் கொண்டிருந்தது. உடன் நின்றவர்களைப் பார்த்துவிட்டு, "எனக்கு க்ளாஸ் இருக்கு. அப்பறம் பார்க்கலாம்", இரக்கமேயில்லாமல் சொல்லிவிட்டுப் போனான். அவன் போன முதல் ஐந்து நிமிடங்களுக்கு, சரியாக மற்றவர்களோடு கலக்க முடியாத தடுமாற்றமாக இருந்தது. சே கல்லூரி வாஷ்ரூம் கண்ணாடியில்- 'அப்பறம் பார்க்கலாம்' என்று அவனைப்போல் சொல்லிப் பார்த்தேன். 'எப்போடா?' என்று அவனைத் திருப்பிக் கேட்டேன். 'உனக்குக் கிறுக்குதான் பிடிச்சிருக்கு' என்று எனக்கே சொல்லிக்கொண்டேன். கொஞ்சம் அழகாகத்தான் இருக்கிறேன் என்று தோன்றியது. வகுப்பிற்கு வந்து, முதல்வருக்குக் காண்பிக்க எடுத்து வந்த பரிசுகளை ஆசையாகக் கட்டிக் கொண்டேன். இதற்குமேல் ஏகத்துக்கு வாங்கியாயிற்று. இதெல்லாம் ஜுஜுபி. ஆனாலும் ரொம்ப ஸ்பெஷலாகத் தோன்றியது.  நினைத்த அளவுக்குப் படுத்தாமல் அந்த 'அப்பறம்' அன்றைக்கே லைப்ரரி வாசலில் வந்தது. வெளியே வந்தவனும், அந்தவழியாகப் போன நானும் ஒரு தயக்கப் பார்வை பார்த்துக் கொண்டோம்.

     "வந்ததுமே காலேஜக் கலக்கறீங்க", மௌனம் பேசியது.

     "அதெல்லாம் ஒண்ணுமில்லை. கர்நாடிக் என்னிக்கும் எனக்குப் பிரச்சனையில்லை. என் குரலே ஜட்ஜஸ்க்கு பிடிச்சுடும். சினிமாப் பாட்டுதான்- என் குரலுக்கு சித்ரா பாட்டை எடுத்தது தப்பு. கேட்டுப் பழகினவங்களுக்கு என் குரல் மாற்றா இருந்திருக்கும். ம்யூசிக் மாடுலேஷன் எல்லாம் வேற சொதப்பி, செகண்ட் ப்ரைஸ் ஆயிடுத்து. நான் கொஞ்சம் யோசிச்சி வேற யாரோட ஸோலோவாவது பாடியிருக்கலாம்.   ப்ச்!" அவன் கவனித்த மாதிரியோ கவலைப்பட்ட மாதிரியோ தெரியவில்லை. எனக்கு இதெல்லாம் ஒன்றும் புரிவதில்லை; தேவையுமில்லை என்பதுபோல் இருந்தான். கொஞ்சம் அதிகமாகப் பேசிவிட்டேனோ என்று அவமானமாக இருந்தது. ஒரு வார்த்தைக்கு ஒன்பது வார்த்தை ஏன் ஒளறினேன் என்று தெரியவில்லை. நான் வாயைத்திறக்கும் முன் என்னைப் பாராட்டும் கூட்டத்தைத்தான் நான் பார்த்திருக்கிறேன். இவன் எனக்குப் புதுசு; அல்லது அவனுக்கு நான். அப்படியென்றால் நான் கலக்குகிறேன் என்று சொன்னது கிண்டலா? அதற்குள் கல்லூரி முடிந்து நிறையபேர் லைப்ரரிக்குள் வருவதும் போவதுமாக இருக்க, 'குறுக்கே நிற்கவேண்டாம்; அங்கே உட்காரலாம்' என்பதுபோல் அந்தக் காரிடரின் கைப்பிடிச்சுவரைக் காண்பித்தான். என் வாழ்க்கையையே திருப்பிப் போடப் போகிற அந்தச் சுவரை நோக்கி நடந்தேன்.   நடக்கும்போது, நாய்க்குட்டிபோல் அவன் சொன்னபேச்சு கேட்கிறேனோ என்று தோன்றியது. 'வேலை இருக்கிறது; போகவேண்டும்' என்று சொல்லிக் கிளம்பியிருக்கலாம். [என் திமிரே, எங்கே போய்த் தொலைத்தாய்? இந்தப் பருப்புசாதத்திடமிருந்து என்னைக் காப்பாற்று!]
 

     "அப்புறம் படிப்பு எப்படி இருக்கு?..'' நேராக படிப்பைப் பற்றி ஆரம்பித்த பேச்சு வேறு எங்குமே தடம் புரளவில்லை. பேசினான்; பேசினான்; பேசிக்கொண்டே போனான். இவ்வளவு பேசுவானா என்றே எனக்கு மலைப்பாக இருந்தது. அடித்துவைத்த சித்திரம்போல் அசையாமல் உட்கார்ந்து கேட்டுக் கொண்டிருந்தேன். முதல்பார்வையில் அவனை எடைபோட்ட என் தவறை நானே மன்னிக்க முடியாது. மருத்துவத்தில் சேர்ந்த மாணவர்கள் கொஞ்சநாள்களுக்கு முதலில் எங்கு போனாலும் ஸ்டெத்தைத் தூக்கிக்கொண்டு அலைவதுபோல, சட்டக்கல்லூரிகள் எடுத்துப் போக எதுவுமில்லையென்றாலும் சாதாரண வார்த்தைகளுக்கெல்லாம்கூட 'ஆன் வாட் லோகஸ்டான்டி..' என்று பேச்சில் சட்டப் பிரயோகங்களை உபயோகிக்க ஆரம்பிக்கும். அப்படி எல்லா இயல்புகளையும் உடைத்துக்கொண்டு சுற்றி இருக்கும் சாதரணங்களுக்கு நடுவில் எளிமையான தோற்றம் வைத்துக்கொண்டு மிக மிக அசாதரணமானவாகத் தெரிந்தான். உள்ளுக்குள் எல்லாவற்றிலும் தீர்மானமாக இருக்கும் இவனைத்தான் நான் தேடிக்கொண்டிருக்கிறேனோவென்று தோன்றியது.

     சட்டம் அறிதலில் இருக்கும் தணியா ஆசையைச் சொன்னேன். கோழைகளைப் பார்த்தால் எரிச்சல் வருவதைச் சொன்னேன். கொடுமைகளுக்குக் கைகட்ட முடியாத ஆற்றாமையைச் சொன்னேன். கம்யூனிஸ்ட் தலைவர் பாப்பா உமாநாத் பெண் நிர்மலா உமாநாத்- சிதம்பரம் பத்மினி வழக்கில் ஆஜரானவர் இங்குதான் படித்தார் என்று சம்பந்தா சம்பந்தமில்லாமல் சொல்லிக்கொண்டே போனேன். முதன்முறையாக எதிராளிக்குச் சமமாக என்னால் பேசமுடியவில்லை என்பதை உணர்ந்தேன். ஆனால் அப்படி அவனுக்குமுன் அறிவு குறைவாய் இருப்பதே சுகமாய் இருந்தது. இருக்கும் கொஞ்ச அறிவையும் அழித்து எல்லாவற்றையும் புதிதாக அவனிடம் கற்கவேண்டும் என்ற ஆசை வந்தது  முக்கால்மணி நேரமாகப் பேசிக்கொண்டிருந்திருக்கிறோம். சிலர் விநோதமாகப் பார்த்துவிட்டுப் போனார்கள். பேச்சை மெதுவாக பெர்சனலுக்குத் திருப்ப எண்ணி, "அப்பா இல்லையா? அம்மா என்ன செய்றாங்க?" என்றேன். கொஞ்சம் ஆங்கிலம் குறைந்து பிராமணத் தமிழில் சகஜமானோம்.

     "அன்னிக்கே உங்கப்பாகிட்ட சொன்னேனே எல்லாம்."

     திடுக்கிட்டேன். "சாரி, நான் அன்னிக்கி கவனிக்கலை".

     "ஆமா, எங்க பேச்சை கவனிக்காம சுவத்துல மாட்டியிருந்த என் குட்டிப்பாப்பா ·போட்டோவே பார்த்துண்டிருந்தீங்க", (முதல் முறையாக) சிரித்துக்கொண்டே சொன்னான். அடித்து ஆடுவது என்பது இதுதானா? அவமானத்தில் தலைகுப்புற விழுந்தேன். எனக்கே அன்று என்ன செய்திருக்கிறேன் என்று தெரியவில்லை. 'அப்படியா!' என்று கேட்டால் நம்புவானா? 'உனக்கு எப்படி அது தெரியும்? என்னையே பாத்துண்டிருந்தியா?', திருப்பிக் கேட்டு, கேவலப்படுத்தவேண்டும் போல் மனசு தவித்தது.  தான் 2 வயதுக் குழந்தை, அக்காவிற்கு நான்கு வயது இருக்கும்போது சிமெண்ட் ·பாக்டரியில் வேலைபார்த்த அப்பா இறந்தது, பள்ளியிறுதி மட்டுமே படித்திருந்த அம்மாவிற்கு கம்பெனி, கடைநிலை ஊழியர் வேலை கொடுத்தது, ஆனாலும் அம்மா தளராமல் மேலே டைப்ரைட்டிங் எல்லாம் படித்து க்ளார்க் ஆகி குவார்ட்டர்ஸில் தங்கி தங்களை வளர்த்தது, அத்தை பையன் புண்ணியத்துக்கு அக்காவைக் கல்யாணம் செய்துகொண்டு காம்ரூன் போனது, அம்மா சுகரில் உடல்நிலை மோசமாகி வாலண்டரி ரிடையர்மெண்டில் வந்த பணத்தில் சமாளித்து படித்துக் கொண்டிருப்பது, அப்பா, அம்மா மேல் இருந்த நன்மதிப்பில் கம்பெனி இவன் படிப்பு முடிந்ததும் வேலை தருவதாகச் சொல்லியிருப்பது, அதிக பணச்செலவு இல்லாதததும், லேபர் வெல்·பேர் ஆ·பீஸர் ஆக வேண்டும் என்ற கனவிற்காகவும் சட்டம் படிப்பது, ஒரு புத்தகம் வாங்காமல் லைப்ரரியையும், ஆசிரியர்களும் உதவுவது வரை.. எல்லாம் என் அப்பாவிற்கு சொன்னதுபோல் இல்லாமல் உணர்வுப்பூர்வமாக விஸ்தாரமாகச் சொல்லி முடித்தான். அம்மா பாசம் கரை புரண்டு ஓடிக்கொண்டிருந்தது. அத்தோடு நிறுத்தியிருக்கலாம்.

     "இந்தப் பாட்டு, கூத்து ப்ரைஸ் வாங்கறதெல்லாம் ஸ்கூல்லை·ப் ·பாண்டஸியா இருக்கணும். காலேஜ்ல, அதுவும் சட்டம் மாதிரி படிப்புக்கெல்லாம் நிறைய டெடிகேஷன் வேணும். நீங்க சொல்ற லட்சியங்கள் எல்லாம் உண்மையாவே உங்களுக்கு இருந்தா மத்த எல்லாத்தையும் நிறுத்தி, அந்த நேரத்துலயும் சப்ஜெக்ட் நாலெட்ஜ் இம்ப்ரூவ் பண்ணப்பாருங்க."

     "இல்லை, நான் நல்லா படிப்பேன்!" எல்கேஜி பெண்ணைப் போல் கூவினேன். அவனைப் போல சன்னமாகப் பேசப் பழகவேண்டும் என்று நாக்கைக் கடித்தேன். என் படிப்பையும் ஆர்வத்தையும் குறைத்து மதிப்பிட்டுவிட்டானே என்ற எரிச்சல் எட்டிப் பார்த்தது. Extra curricular activities வைத்திருக்கிறவர்கள் மதிப்பெண் வாங்கமாட்டார்கள் என்ற மூடநம்பிக்கை ஒழியாதா?

     "படிப்புன்னா இனிமே ஸ்கூல் மாதிரி எவ்வளவு மார்க் வாங்கறீங்கன்னு இல்லை. எடுத்த சப்ஜெக்ட்ல எவ்வளவு நாலெட்ஜ் acquire பண்றீங்கங்கறதுதான். மத்த ஆக்டிவிடிஸ் குறைஞ்சா இதுல சாதிக்கலாம். காலைல கூட்டத்தோட உங்களைப் பார்த்ததுலேருந்து சொல்லணும்னு நினைச்சேன். இப்ப சொல்லிட்டேன்." எழுந்தான். இதைச் சொல்லத்தான் என்னோடு இவ்வளவு நேரம் பேசினானா? [பின், போட்டிக்குப் பாடியதைப் பாடச்சொல்லிக் கேட்பான் என்றா எதிர்பார்க்க முடியும்?].  அட்வைஸ்! வேறு யாராவது சொல்லியிருந்தால் எப்படி எதிர்வினை செய்திருப்பேன் என்று தெரியவில்லை. ஆனால் அவன் சொன்னது தாங்கமுடியாததாக இருந்தது. எதிர்ப்பாக இன்னும் நிறைய எல்லாவற்றிலும் ஒரு ரவுண்ட் வரவேண்டும் என்று வீரசபதம் செய்துகொண்டே வீட்டுக்கு போனேன். மாறாக அன்றைக்கே எல்லாவற்றிற்கும் மங்களம்பாடினேன். பாட்டு வாத்தியார், ஸ்கூல் தமிழ் டீச்சர், அம்மா என்று ஆளாளுக்கு காரணம் புரியாமல் அவ்வப்போது ஷி·ப்ட் போட்டுப் புலம்பிக்கொண்டே இருந்தார்கள்.

     அதன்பின் நடந்தவை அதிரடி மாற்றங்கள். யாரோடும் ஐந்து நிமிடத்திற்குமேல் பேச ஒன்றுமில்லைபோல் தாங்கமுடியாத கொடுமையாக இருந்து, எல்லோரையும் தவிர்த்தேன். கொஞ்சம் விட்டு விட்டு சந்தித்துப் பேசிய நாங்கள் பின்னர் ஏதோ புரிந்தாற்போல தினமும் கைப்பிடிச்சுவரில் கூடினோம். புதுவருடத்திற்கு நானே சொந்தமாக ஒரு வாழ்த்து வரைந்தேன். எப்பொழுதும், வரையும் ஓவியத்தோடு கலந்த உணர்வில் வண்ணங்களைக் குழைப்பவள், முதல்முறையாக வரைபவனுக்கான எண்ணங்களில் குழைந்து வரைந்திருந்தேன். முடிவில், 'வேறு வேலையில்லையா?' என்று திட்டுவானோ என்று பயந்து மறைத்துவிட்டு கடையில் வாங்கிக் கொடுத்தேன். அப்படியும் விதி விரட்டிய ஒருநாளில் அவன் நல்ல மூடில் இருக்கும் போது மிகவும் தயங்கித் தயங்கி ஹாண்ட்பேகிலிருந்து ஒரு பேப்பரை எடுத்துக் காண்பித்தேன்.
 "தனிமை நீக்கித்
  தனிமை திணித்தாய்"
என்று எழுதியிருந்தது. "என்ன இது?" என்று ஆவலாகக் கேட்டான். "ஸ்கூல் படிக்கும் போது நிறைய கவிதை, கட்டுரை, பேச்சுப்போட்டின்னு பரிசு வாங்கியிருக்கேன். தமிழ் டீச்சருக்கு நான் செல்லம். இப்பல்லாம் எழுதறதில்லை. புக்ஸ் படிக்கறதோட சரி. இது, உங்களைப் பத்தி செகண்ட் ஹவர்ல பாதி க்ளாஸ்ல நினைச்சுப் பார்த்தேன். ஷார்ட் அண்ட் ஸ்வீட்டா உடனே தோணினத எழுதணும்னு நினைச்சு எழுதினேன். இது முழுக்கவிதை இல்லை. சும்மா ரெண்டே லைன். நல்லா இருக்கா?" உருகப் போகிறான், உலக இலக்கியம் இதுதான் என்று சொல்வான் என்றெல்லாம் எதிர்பார்த்துக் காத்திருந்தேன். கொஞ்சம் வெட்கமாகவும் இருந்தது.
'புரியலையே!' என்று கட்டைவிரல் நகத்தால் நெற்றியைக் கீறிக்கொண்டான். காற்றுப் போன பலூனாகிப் போனேன். "I meant.." என்று ஆங்கிலத்தில் ஆரம்பித்து, அவன் கண்களைப் பார்க்க முடியாமல் கொஞ்சம் பயமும் வெட்கமுமாகி, தமிழுக்கு மாறி.. "நீங்க வந்ததிலேருந்தே I never felt alone.." கொஞ்சம் பொறுமை இழந்திருந்தான். முகம் இறுகியிருந்தது. "ம்!" என்ற அவன் ஒற்றை எழுத்து உச்சரிப்பில் ஒட்டுமொத்த ஆண்மையையும் உணர்ந்து மிரண்டேன். மேலே சொல்லவராமல் உலக மொழிகள் எல்லாம் ஒத்துழைக்காமல் துரோகம் செய்வதாகப் பட்டது. என்ன எழவுக்கு இந்தப் பேச்சை ஆரம்பித்தேன் என்று என்னையே நொந்தேன். இனி பாதியில் இவனிடமிருந்து தப்ப முடியாது. கொஞ்சம் நிறுத்தி, தயங்கி, தலையைக் குனிந்துகொண்டே, "ஆனா என்கூட இருந்த மத்த எல்லாரையும் நீங்க வந்ததும் தவிர்த்து ரொம்பத் தனியாயிட்டேன். அதான் சொல்ல நினைச்சேன்." ஒருவழியாக மெல்லிய குரலில் சொல்லி முடித்து வியர்த்தபோது நாக்கு மேலன்னத்தில் ஒட்டியிருந்தது. அவன் எதுவுமே சொல்லவில்லை. எனக்கு மொத்த இரத்தமும் சூடாகி நெற்றிக்குப் பாய்ந்திருந்தது. எங்களுக்கிடையில் இருந்த அந்த அரை நிமிட மௌனம் தாங்கமுடியாத கொடுமை. அவனுக்குப் பிடிக்கவில்லை என்று புரிந்தது. எந்த நிமிடமும் என் இயல்புக்கு மாறாக அழுதுவிடுவேனோ? அழும்போது வரும்கண்ணீரை எப்படித் துடைத்துக் கொள்வது என்று யாராவது சொல்லிக் கொடுக்கவேண்டும். எனக்கு அனுபவமில்லாதது. கொஞ்சம் கோபம் குறைந்து தணிந்த குரலில், "இதை எதுக்கு இப்படி புரியாம சுத்திவளைச்சு சொல்லணும்? இந்தக் கவிதை கண்றாவி எல்லாம் உங்களுக்கே கொஞ்சம் absurd-ஆ தெரியலை? இதை எழுத எவ்வளவு நேரம் யோசிச்சீங்க?.."

     நான் வாங்கிய பரிசுகளும் பாரதியும் ஷெல்டனும் கைகொட்டிச் சிரித்தார்கள். எனக்குச் சம்மதமில்லாமலேயே என் நிலையிலிருந்து நான் இப்படியெல்லாம் இறங்கிக் கொண்டிருந்த காரணம் புரியவில்லை. கடகடவென்று கண்களிலிருந்து நீர்பெருகி கையில் டொக்கென்று விழுந்தது. பதறிப்போனான். "இப்ப எதுக்கு அழறீங்க? See மஞ்சு, எனக்கு இதெல்லாம் கொஞ்சம் புரியறதில்லை. அவ்ளோதான். மத்தபடி இது கவிதைதானோ என்னவோ; எனக்குத் தெரியலை. ஆனா என்கிட்ட ஏதாவது பேசணும்னா நேராவே சொன்னாதான் எனக்குப் புரியும்." சும்மா மேலுக்கு என்னைச் சமாதானம் செய்கிறான் என்று அடுத்த இரண்டு நிமிட மௌனத்திற்குப்பின் அவன் பேசியதில் புரிந்தது.

     "இந்தக் கவிதை, கதை, பட்டிமன்றம், வழக்காடுமன்றம், இலக்கியம், லேகியம் இதெல்லாம் எனக்குக் கொஞ்சம் அலர்ஜி. புரியறதுமில்லை. சட்டத்துக்கு ஆங்கில அறிவு எவ்வளவு வேணும்னு உங்களுக்கு நான் சொல்லத் தேவையில்லை. ட்ரா·ப்டிங்லயே உங்க திறமை தெரியணும். அப்படி உங்க இங்லீஷ் டெவலப் செஞ்சுண்டீங்கன்னா ஐ' வில் பீ ஹாப்பி."  நல்லவேளையாக '..against nature, you transformed a butterfly into larva..' என்றெல்லாம் நான் ஆங்கிலத்தில் அவனைப்பற்றி ஒளறியிருந்த முழுநீள (அ)கவிதைகளைக் காண்பிக்கவில்லை என்று நிம்மதியானேன். அப்புறம் இந்தச் சந்திப்பை மட்டும் எப்போது நினைத்தாலும் சிரிக்காமல் இருந்ததுமில்லை. ஆனாலும் நான் எப்படி இருந்தால் அவனுக்கு சந்தோஷம் என்று சொல்லி எடுத்துக்கொண்ட உரிமையில் பூரித்தேன். 'உன்னை சந்தோஷப்படுத்துவதைவிட வேறு என்ன வேலை' என்று சொல்லிக்கொண்டேன். உண்மையிலேயே இதெல்லாம் அபத்தம்தான் என்று தோன்றியது. நல்ல பேச்சை ஒளறியே கெடுத்தேன் என்று நினைத்துக் கொண்டிருக்கும்போதே, நான் கொடுத்த பேப்பர் தன் சட்டைப்பையில் பத்திரமாக இருக்கிறதா என்று ஒருமுறை தொட்டுப்பார்த்துக் கொண்டு கிளம்பினான்.

     இப்படியாக என் மற்றபிற இயக்கங்கள் எல்லாம் நின்றுபோய் வாழ்க்கையே சட்டமும் சட்டம் சார்ந்த திணையுமாய் ஆக அந்த 2 வருடங்கள் ஓடிப்போய் ஸ்ரீதர் படித்துமுடித்து சிமெண்ட் ·பாக்டரியில் அப்போதைக்குக் காலியாக இருந்த பெர்சனல் ஆ·பீஸராய்ச் சேர்ந்து மீண்டும் குவார்ட்டர்ஸ் மாறி இருந்தான். ஒரு நாள் புதிதாக வாங்கிய கைனடிக்கில் என்னைத்தான் முதல் ரவுண்ட் அழைத்துப்போக வேண்டும் என்று(அதைச் சொல்லமாட்டான்; அழுத்தம்) மூன்றாவது வருடம் காலேஜுக்கு வந்தான். மேலே labour welfare ஸ்பெஷலைஸ் செய்வதைச் சொன்னான். கொஞ்சம் பிரிந்து சந்தித்ததில் அதிக நெருக்கமாக உணர்ந்தோம். சட்டம், படிப்பு என்று இல்லாமல் எல்லா விஷயமும் அவசர அவசரமாக, தடையே இல்லாமல் பகிர்ந்துகொண்டோம். எப்பொழுதும்போல் படிப்பைப் பற்றியே பேசாமல் கொஞ்சம் வேறு தேடலோடும் என்னோடு பேசுகிறான் என்று தோன்றியது. வேலைபார்ப்பதில் புருஷ லட்சணம் கூடி இருந்தான். நான் இன்னும் இன்னும் என்னை இழந்துகொண்டிருந்தேன்.  அதன்பின் வாரம் ஒரு ·போன், மாதம் ஒருமுறை விசிட் என்று கருணை காண்பித்தான். சந்திப்பைவிட அதற்காகக் காத்திருப்பது சுகமாக இருந்தது. "எப்படி இப்படி கண்ட்ரோலா இருக்கீங்க? இண்டெலக்சுவல் லவ்வா?" என்று உஷா என்னிடம் கேட்டதற்கு, ராஜரத்னம், "காதல்ல படிக்காத பட்டிக்காட்டான், இண்டெலக்சுவல் காதல்னெல்லாம் கிடையாது. எல்லாமே மூட்டைலேருந்து மொத்தமா கொட்டின கத்திரிக்கா காதல்தான். என்ன, நம்பள மாதிரி இல்லாம ஒருத்தருக்கொருத்தர் சாதிச்சுக்காட்டணும் ஓடறாங்க போல இருக்கு" என்று உஷாவிடம் தத்துவம் உதிர்த்துவிட்டு என்னிடம் நக்கலாக, "மஞ்சுளா, அடுத்ததடவை சொல்லிவை பையன்கிட்ட, ரொம்ப நடிக்கவேணாம், தரை இறங்கச் சொன்னேன்னு". கொஞ்சம் ரசங்குறைந்த பேச்சாக இருந்தாலும் அதன்பின்னே இருந்த உண்மை என்னை நடுக்கியது. ஏன் இப்படி இருக்கிறோம் எல்லோரையும்போல் இல்லாமல். உடனே பார்க்கவேண்டும் போல் இருந்தது. அவனுக்கும் அப்படி இருக்குமா? அதைச் சொல்லமுடியாமல் எது தடுக்கிறது?

     மூன்றாம் வருடம் முடிந்து நான்காம் வருடம் ஆரம்பித்த ஒரு மாதத்தில்தான் அப்படி, தனியாக அப்பாவை அனுப்பிவிட்டு அரையடிச்சுவரில் அசோகமரக் குச்சியால் கீறிக்கொண்டிருந்தேன். எதிர்பாராத நிமிடத்தில் ஸ்ரீதர் வந்துகொண்டிருந்தான். அதுவரை எல்லோருக்கும் புன்னகையைப் பதிலாக்க முடிந்த என்னால் அவனைப் பார்த்ததும் எப்படி இருக்கவேண்டும் என்று தெரியவில்லை. இப்போது முடிவு வந்துவிட்டது எங்கள் எல்லா மௌனத்துக்கும். முழுப் பெண்ணாய் உணர்ந்தேன் அவன்முன். வேகமாக என்னருகில் வண்டியை நிறுத்தியவன், "நீயும் என் உயிரை வாங்கறதுன்னு முடிவுபண்ணிட்டியா?," திட்டியபடியே பக்கத்தில் வந்து அமர்ந்தான். அதிகம் களைப்பாக இருந்தான். அவனை அறியாமலே முதல்முறையாக என்னை ஒருமையில் அழைக்கிறான். எனக்குள் ஏகத்துக்குக் நொறுங்கி சிதைந்து கலைந்து பின் சேர்ந்தேன். அத்தனை துக்கமும் விலகியதுபோல் இருந்தது அவன் எடுத்துக்கொண்ட உரிமை. பதில் சொல்லாமல் 'எப்படி இருக்காங்க அம்மா?' என்றேன். இப்போது அவனிடம் எனக்கு தைரியம் வந்திருந்தது.

     ஏழெட்டு நாள்கள் முன்பு வழுக்கிவிழுந்த அவன் அம்மா தலையில் அடிபட்டு, சுகரும் அதிகரிக்க பின், டாக்டரால் பதில்சொல்லமுடியாத பக்கவாதத்திற்குப் போயிருந்தாள். ஸ்ரீதர் வாழ்க்கையே ஒருமுறை நின்று மீண்டும் புரியாமல் இன்னும் தொடர்ந்து ஓடிக்கொண்டிருக்கிறது. இரண்டு நாளில் டிஸ்சார்ஜ் ஆவதை எனக்குச் சொல்ல வீட்டுக்கு ·போன் செய்தால் அப்பா எடுத்து என் அழிச்சாட்டியத்தையும் நான் இங்கு இருப்பதையும் சொல்லி கோபத்தில் ·போனை வைத்திருக்கிறார். அடித்துப் பிடித்து ஓடிவந்திருக்கிறான். "உங்கம்மாவைப் பாத்துக்க உதவிக்கு அந்த சொந்தக்காரப் பொண்ணைக் கல்யாணம் பண்ணிக்கிறியான்னு உங்கக்கா ·போன்ல கேட்டாங்கன்னு சொன்னீங்களே, செஞ்சுப்பீங்களா?" கோப உச்சிக்குப் போனான். "அறிவு இருக்கா உனக்கு? கல்யாண வயசா எனக்கு? என்னை ஒரு வார்த்தை கேக்காம படிப்ப டிஸ்கன்டின்யூ செய்வியா? உன்னை மாதிரி உணர்ச்சிவசப்படற கூட்டம் வாழ்க்கைக்கு லாயக்கில்லை."

     இத்தனை நாள் எனக்கு அவனிடம் இருந்த பயமெல்லாம் காணாமல் போயிருந்தது. தலைக்குமேல் வெள்ளம் போல் தைரியமாக அவனையே பார்த்துக்கொண்டிருந்தேன். என்னிடம் கோபித்துக் காரியம் ஆகாது என்று புரிந்து குரலை இறக்கி, தானும் இறங்கி வந்தான். "எவ்ளோ ஆசை வெச்சிருந்த படிப்புல. எவ்ளோ கஷ்டப்பட்டிருப்ப. நானே உன்னைப் பத்தி எவ்ளோ கனவு கண்டேன்! ஏன் இப்படி செஞ்ச என்னக் கூட ஒரு வார்த்தை கேக்காம?" "உனது கண்களில் எனது கனவினைக் காணப்போகிறேன்.." மெல்ல அடிக்குரலில் உள்ளுக்குள் மகிழ்ச்சியும் வெளியே திமிருமாகப் பாட ஆரம்பித்தேன். 'ஒன்றா ரெண்டா ஆசைகள்.. எல்லாம் சொல்லவே ஓர்நாள் போதுமா..' வேறொரு சமயமாக இருந்தால் சினிமா பாட்டிற்கே சாத்தியிருப்பான். எனக்கே இப்படிப் பாடுவது செயற்கையாக இருந்திருக்கும். இன்று ஒன்றும் சொல்லாமல் அவன் இதற்குமுன் பார்த்திராத என் தைரியத்தில் கொஞ்சம் கொஞ்சமாக எனக்கு அடங்கிக் கொண்டிருந்தான். "உங்கப்பா முகத்துலயே நான் முழிக்க முடியாம செஞ்சிருக்க மஞ்சு. என்ன செய்யப் போறேன்னு தெரியலை." தன்மையாகப் பேசினான். அவன் என்னை ஒருமையில் பேசப்பேச நான் செத்துக் கொண்டிருந்தேன். அப்பா ஆசையையெல்லாம் நிறைவேற்றி ஆனால் இவன் கிடைக்கவில்லையென்றால் அப்புறம் என் வாழ்க்கைக்கு அர்த்தமே இல்லை. வேறு யாருடனாவது நான் என்னை நினைத்துக்கூடப் பார்க்க முடியுமா, ஏன் புரியாத மாதிரி நடிக்கிறான்?
"எனக்கு அதெல்லாம் வேணாம்; நீங்கதான் வேணும்." கொஞ்ச நேரம் பேசாமல் இருந்தான். இதுவரை காதலிக்கிறேன் என்றெல்லாம் நாங்கள் சொல்லிக்கொள்ளத் தேவை இருந்தது கிடையாது. திருமணம் தீர்மானிக்கப்பட்ட ஒன்றுபோன்ற புரிதல் இருவருக்கும் இருந்தது. சரியான பருவத்தில் திருமணம் என்றால் எங்களுக்குள் ஜாதியில் இருந்த உட்பிரிவு வேறுபாட்டிற்கே என் வீடும் ஊரும் ஒரு ஆட்டம் போட்டிருக்கும். இப்போது என்னுடையது இடி விழுந்த வீடாக இருந்தது. செய்தி கிடைத்து நான் மருத்துவமனைக்கு அவன் அம்மாவைப் பார்க்க என் அப்பாவோடு போயிருந்தபோது 4 நாள் தாடியோடு இருந்தான்; எல்லாம் சொன்னான். அவனை அச்சில் எடுத்தாற்போன்ற அவன் அம்மாவைப் பார்த்ததும் நெகிழ்ந்து போனேன். எது நடந்தாலும் தைரியத்தையும் ஸ்ரீதரையும் இழந்துவிடக் கூடாது; உலகம் எப்படியோ நாசமாகப் போகட்டும், நாமென்ன புரட்டிவிடப் போகிறோம் என்று மட்டும்தான் தோன்றியது.

     "சரி, அம்மாவ ரெண்டுநாள்ல டிஸ்சார்ஜ் செஞ்சுடுவாங்க. அப்பறம் யார் பாத்துக்குவாங்க.. அம்மா நிலைமை, லீவு, பணப்பிரச்சனைன்னு எல்லாம் என்னை அழுத்துது. எங்க அத்தைதான் இப்ப இருக்காங்க. அக்காவுக்கு ·ப்ளைட் கிடைக்கலை. இன்னும் ரெண்டுநாள்ல வருவா. அப்புறம் இதைப் பத்தி பேசலாம். புரிஞ்சுக்க. இப்ப என்னால ஒண்ணும் யோசிக்கக் கூட முடியல மஞ்சு. பிரின்சிபால பார்த்து ஒரு வார்த்தை சொல்லிட்டுக் கிளம்பலாம்", முதல்முறையாக தன் இடக்கையால் என் கைப்பிடித்து (வாட்ச் கூட கட்டாமல் வந்திருந்தான்.) நடந்தான். எனக்கென்னவோ அதில் நிம்மதியை உணர்கிறான் என்றுதான் தோன்றியது. பேசாமல் நடந்தோம். எனக்கு இதயமே நின்றிருந்தது. மாடிப்படித் திருப்பத்தில், "நல்லாப் பாடற.. எனக்குத்தான் இதுக்கெல்லாம் தகுதி இருக்கான்னு தெரியலை" கிசுகிசுப்பாய்ச் சொன்னான்.  மகிழ்ச்சி மீறுதே.. வானைத் தாண்டுதே.. சாகத் தோன்றுதே.. ரிசப்ஷனில் ஆளே அடையாளம் தெரியாமல் மேக்அப் போட்டுக்கொண்டு, உன்னிகிருஷ்ணனுக்கு ஒரிஜினில் நகுமோவுக்குச் சீட்டுக் கொடுத்து பாடச் சொல்லி, புதுப்புருஷன் பக்கத்தில் மாலையும் கழுத்துமாய் நின்றுகொண்டே உன்னியை சைட் அடிக்க வேண்டும் என்ற கல்யாணக் கனவுகள் எல்லாம் தகர்ந்து அடுத்த இருபதாம் நாளில் அவர்கள் குலதெய்வம் சங்கரன் கோவிலில் 15 பேர் சாட்சியாக திருமணம் என்று ஒன்று நடந்தது. இந்த இருபது நாளைக்குள் இந்திய சினிமா மற்றும் தொலைக்காட்சி வரலாற்றையே மிஞ்சக் கூடிய தாலி செண்டிமென்டில் என்னையே நம்பமுடியாமல் நான் தவித்துக் கொண்டிருந்தேன்.

     அப்புறம் ஒரு வருடம் ஓட்டமாய் ஓடியது. அப்பா ஒருமுறை அதிர்ச்சியில் படுத்து எழுந்தார். என்னைப் போல் அம்மா தைரியம் என்பதால்(அல்லது அம்மாவைப் போல் நான்) சமாளித்தாள். அண்ணன்கள் சிறு அதிர்வில் அடங்கினார்கள். எல்லோரையும் ஸ்ரீதரின் நல்ல குணம் கட்டிப் போட்டது. உறவுகளுக்கு பதில் சொல்லவே அதிகம் பயந்தார்கள் என்று தோன்றியது. இரண்டு மாதம் முன்பு மாமியார் இறந்தார். இறந்ததற்கு வந்த நாத்தனர் தன் மாமியார்(ஸ்ரீதரின் அத்தை) எங்களுடன் இருப்பார் என்று சொன்னாள். பணம் காசுக்குக் குறைவில்லை. ஆனால் பிள்ளை வெளிநாட்டில் இருப்பதால் தனியாய் இருக்க பயந்து எங்களுடன் இருக்கிறேன் என்று வந்தார்; மிகவும் உதவியாக இருந்து வருகிறார். வரிசையாக, புதிதுபுதிதான கடமைகளும் பழக்கமில்லாத வேலைகளும் அழுத்தினாலும் உணரமுடியாத மாதிரி எல்லாவற்றையும் ஸ்ரீதரின் காதல் மூழ்கடித்தது.
மேல்படிப்பு முடித்து லேபர் வெல்·பேர் ஆ·பீஸரானபின் முழுமூச்சாக வேலையில் இறங்கினான். வேலை தாண்டியும் எப்பொழுதும் தொழிலாளர்களின் மேல் இருந்த அக்கறை மற்ற எல்லாவற்றையும் முந்த, அரசியல் கட்சிகளாகப் பிரிந்து இருந்த தொழிலாளிகளும் கட்சிகளும் கூட இவனிடம் ஒரேமாதிரி தான் பழகினார்கள். ஊரிலிருந்த கட்சித் தலைமைகள் நேர்மைக்கு முன் வாயடைத்தன.

     சரஸ்வதிபூஜையன்று அலுவலகத்துக்கு, பூஜைக்குக் கூட்டிப்போன இடத்தில் எல்லோரையும் பாடச் சொன்னார்கள். மேலதிகாரியின் பெங்காலி பெண்டாட்டி பொருந்தா மேக்கப்புடனும், சில கிக்கிபிக்கி சிரிப்புக்கு நடுவிலும் எதையோ பாட, சில தொழிலாளிகளின் மனைவிகளும் வெட்கத்தோடு பாடுவார்கள் என்ற சூழ்நிலை இருந்தது. பக்கத்தில் மிஸஸ் ரெட்டியுடன் பேசிக்கொண்டே இந்தக் கூட்டத்திற்கு எந்த மாதிரிப் பாடல் எடுபடும் என்று நான் யோசித்துக் கொண்டிருக்கும்போதே, ஸ்ரீதர் அருகில்வந்து 'பாடவேண்டாம்' என்று எனக்கு மட்டும் கேட்கிறார்போல் சொன்னான். 'முன்னால பாடின சர்க்கார் வை·புக்கு embarassing-ஆ இருக்கும்; இனி பாடப்போறவங்களும் தயங்கலாம். ஹோப் யூ அண்டர்ஸ்டாண்ட்" சொல்லிவிட்டு தூரத்தில் நண்பர்களுடன் பாண்ட்பாக்கெட்டில் கைவிட்டுக் கொண்டு சிரித்துப் பேசிக் கொண்டிருப்பவனைப் பெருமையுடன் பார்த்தேன். எப்படியெல்லாம் மற்றவர்களுக்காகச் சிந்திக்கிறான்.  நேற்று தன் பிறந்தநாள் என்று தெரிந்தும் ஒரு இறந்த தொழிலாளியை காடுவரை சென்று எரியூட்டியபின் லேட்டாக வந்தான். வந்தும் சாப்பிடாமல் அமர்ந்திருந்தான். எனக்குக் கவலையாக இருந்தது. எதையாவது சொல்லி முதலில் பேசவைக்க வேண்டும். "கலாப்ரியாவோட கவிதை ஒண்ணு.. 'உயிர்த்தெழுதல்'னு.." ஆரம்பித்த அடுத்த நொடி "வெளில போ!" ஆத்திரம் அத்தனையும் அடுக்கடுக்காய் அழுந்த மடித்த கனத்தோடு அவனிடமிருந்து வார்த்தைகள் வந்து விழுந்தன. அதிர்ந்தேன். அவமானமாக இருந்தது. பர்வதம் அத்தை சாப்பிட்டுப் படுத்துவிட்டிருந்தாள். பெட்ரூமுக்குப் போய், 'அம்மா ஊரில் இல்லை நான் மட்டுமாவது வந்து மாப்பிள்ளையைப் பார்க்கிறேன்' என்று சொல்லியிருந்த அப்பாவை வரவேண்டாம் என்று ·போன் செய்தேன். பேசாமல் படுத்துக் கொண்டேன். அழத் தெரிந்தவர்கள் பாக்கியவான்கள். எனக்குத் தெரியவில்லை.

     அரைமணிநேரம் கழித்து அறைக்குள் வந்தவன், மன்னிப்புக் கேட்பதற்கோ, தன்னிலை விளக்கமாகவோ பேச ஆரம்பித்தான். "அந்தக் குடும்பத்தைப் பாத்ததும் எனக்கு எங்கம்மாவும் இப்படித்தானே நின்னிருப்பான்னு தோணிடுத்து. என்னால தாங்கவே முடியலை மஞ்சு. ஏற்கனவே சிமெண்டு ·பேக்டரி தூசு; அதுல குடிப்பான் போல இருக்கு, குடல் நுரையீரல் எல்லாம் போய்.. காப்பாத்த முடியலை. சின்னச் சின்னதா மூணு குழந்தைங்க. என்னால மத்தவங்க மாதிரி வேலை வேற, குடும்பம் வேறன்னு பிரிக்க முடியலை. நாட்டுக்கு ராஜா பத்துலேருந்து அஞ்சு மணி வரைக்கும் மட்டுமா ராஜா? ராணுவக்காரன் மாதிரி எப்பவும் அலர்ட்டாதான் என்னால இருக்கமுடியும். அதே எண்ணத்தோட வளர்ந்துட்டேன். இந்த மாதிரி கவிதை எழுதி இரங்கற்பா படிக்கறதவிட நீ புருஷன் போன அந்தப் பொண்ணப்பார்த்து பேசி ஏதாவது வேலை சம்பந்தமா என்ன தெரியும்னு கேட்டு உதவினா நல்லாயிருக்கும். ஆணா நான் செய்யறதவிட நீ அதிகம் செய்யமுடியும் இந்தமாதிரி குடும்பங்களுக்கு."

     அவ்வளவுதான். பாய்ந்து கட்டிப்பிடித்து இழுத்துக் கொண்டேன். எவ்வளவு பெரியவன் இவன்; எப்படிப்பட்டவனைப் பிடித்திருக்கிறேன். காதல் ஒருவனைக் கைப்பிடித்து அவன் காரியம் யாவிலும் கைகொடுத்து.. காலையிலிருந்து துளிர்விட்ட எண்ணம் மேலெழுந்தது. காலையில் ஸ்ரீதர் க்ளாஸ்மேட் ப்ரதீப் வாழ்த்துச் சொல்ல வந்திருந்தான். குடும்பமே வயசுக்கு வந்ததும் வக்கீலாகிவிடும் பரம்பரை. வாய் ஒயாத பேச்சுக்கிடையில் "மஞ்சுளா, இப்படியே உக்கார்ந்திருந்தா நீ குண்டடிச்சுடுவ. சோஷியல் சர்வீசா ·ப்ரீ லா கன்சல்டன்சி செஞ்சு தரோம் எங்க ·பேமிலி. பெண்கள் பிரிவுக்கு டெம்பரரியா பொறுப்பு எடுத்துக்க முடியுமா? சில பேப்பர் உனக்கு excemption கிடைக்கும். போஸ்டல்ல லா கிராஜுவேஷன் முடிச்சா முழுக்க நீயே பார்த்துக்கலாம். உன் ஆர்வமும் பேப்பர் முடிக்காட்டாலும் உன் திறமையும் டெடிகேஷனும் தெரிஞ்சே இதை எங்கப்பாகிட்ட சொல்லிட்டு உனக்குத் தரேன்." பழைய ஆசைகள் கிளப்பப்பட்டதுபோல் உணர்ந்தேன். நாளையிலிருந்து புதிதாக பழையதையெல்லாம் ஆரம்பிக்கலாம். அத்தை உதவிக்கு இருக்கிறாள். ஸ்ரீதரிடம் சொல்ல நேரம் அமைந்தது என்று சந்தோஷப்பட்டேன்.

     "ப்ச், நான் உன் ஆசையெல்லாம் தெரிஞ்சுதான் ஆரம்பத்துலேருந்து உன்னைவிட்டு விலகியே இருக்கணும்னு நினைச்சேன். ஆனா ஒரு மோசமான சூழ்நிலைல நீ முடிவெடுத்து நாம் சேர்ந்துட்டோம். ஏற்கனவே ஒரு வருஷம் என்ன வாழ்ந்தோம்னே தெரியாம ஓடிப் போயிடுச்சு. எல்லாத்தையும் ஓரமா வை. எவ்வளவு வேணுமோ வீட்டிலேருந்தே படி. இங்கயே என்னல்லாம் செய்யமுடியுமோ செய். முதல்ல ஒரு குழந்தை பெத்துக்கலாம். இரண்டு வருஷத்துல இன்னொன்னு தத்து எடுத்துக்கலாம். எங்கயும் வேலைக்குன்னு வெளில கமிட் பண்ணிக்காத. நீ வீட்டுல இருக்கேன்னா என்னால முழு நானா என் வேலைகளைச் செய்யமுடியும். எனக்கும் என் குழந்தைகளுக்கும் எப்பவும் நீ வேணும். சின்னவயசுல எங்கம்மா வேலைக்குப் போய் நாங்க இழந்ததுதான் அதிகம். நம்ப குழந்தைகளுக்கு அது தேவையில்லை. என்ன சொல்ற.." நெருக்கினான்.  குழந்தை என்ற வார்த்தையில் சொக்கிப்போனேன். முதல்சந்திப்பில் ஸ்ரீதர் வீட்டில் அவன் ·போட்டோவையே பார்த்துக்கொண்டிருந்தேன் என்று சொன்னது ஞாபகம் வந்தது. அவனையே வாங்கிச் சுமந்து, 'இந்தா!' என்று அவனுக்கே கொடுக்கப் போகிறேன். அப்புறம் தெரியும் நான் யாரென்று. யுக யுகமாய் அவ்வளவு உயிரினங்களும் செய்துகொண்டு வரும் சாதாரண விஷயம்தான் பெற்றுப் போடுவது என்றெல்லாம் தோணவேயில்லை. நான் மட்டும் ஏதோ பெரிய சாதனை செய்யப் போகிறேன் போல் தோன்றியது. "பாப்பா யார் மாதிரி இருக்குமோ?.. நாளைக்கு நீ சும்மா லீவு போடணும் எனக்காக, சரியா?.. ப்ரதீப் திரும்ப கேட்டா, 'போடா, நான் பாப்பா பண்ணப்போறேன், வரலை'ன்னு சொல்லிடுவேன்.. உன் பர்த் டே நாளைக்கு செலிப்ரேட் பண்ணிக்கலாம்.. போனாப் போறது, நாளைக்கு ஒருநாள் உன்னைப் பாப்பாவா வெச்சுக்கறேன்.. டெலிவரி வரைக்கும் உன்கூடவே இந்த வீட்டுலதான் இருப்பேன்" முத்தங்களுக்கு நடுவில் பிதற்ற ஆரம்பித்தேன். இவ்வளவு நாள்களாக ஒவ்வொன்றாய் உள்ளே நழுவிக்கொண்டிருந்தது போக, குழந்தை எண்ணம் ஒட்டுமொத்தமாக என்னை உருவிப்போட்டது. மாமியாரின் இறப்பிற்குப்பின் சிறிது நீண்ட இடைவேளைக்குப்பின் முதல்முறையாய் மீண்டும் ஒருவரிடம் ஒருவரை இழந்துகொண்டிருந்தோம்.

     மறுநாள் லீவுபோட்டு, முதல்வாரமே வாங்கிவைத்திருந்த கவிதைத் தொகுப்பைக் கொடுத்தான். "யார் எழுதியிருக்காங்கன்னெல்லாம் தெரியாது. சாலிடா நிறைய கவிதை இருந்தது இந்த புக்ல. வாங்கிட்டேன். உனக்குப் பிடிக்குமான்னு தெரியாது." தயங்கிக் கொண்டே கொடுத்தான். ரசனை ஒத்துப் போகாமல் கணவன் மனைவி வாழமுடியாது என்று எந்த முட்டாள் சொன்னது? என் ரசனையை ஒத்த எந்த இலக்கியவாதியையும்விட, புரியாவிட்டாலும் என் ரசனையை மதிக்கும் இவன் உயர்ந்தவன் என்றே தோன்றியது. அப்பாவிற்கு ·போன் செய்து, நேற்று பார்க்கமுடியாததற்கு சாரி சொல்லி இன்று மதியம் வரச்சொன்னான். அத்தை வற்புறுத்தியதால் கோவில், அப்புறம் ஷாப்பிங் என்று சுற்றிவிட்டு வந்து சாப்பிட்டு நிம்மதியாக மதியம் தூங்குகிறான். நான் தான் தூக்கம் வராமல் பக்கத்து நாற்காலியில் புத்தகத்தை எடுத்துப் பிரித்துவைத்துக் கொண்டு படிக்காமல் பழைய நினைவுகளை அசை போட்டுக் கொண்டிருக்கிறேன். நான் பார்த்துக்கொண்டிருப்பது உள்ளுணர்வில் உணர்ந்தோ என்னவோ விழிப்பு வந்து திரும்பிப்படுக்கிறான். சமீபத்தில் அம்மாவுக்குக் 'காரியங்கள்' செய்ததில் கொஞ்சம் இளைத்திருக்கிறான். கண்கள் சிவந்து ஒரு திருப்தியான தூக்கத்திற்குப் பின்னான தெளிவில் இருந்தவனின் கண்களைப் பார்த்து மயங்கித் தடுமாறித்தான் போனேன்.

     "கரியவாகிப் புடைபரந்து மிளிர்ந்து செவ்வரியோடி நீண்டஅப்
     பெரியவாய கண்கள் என்னைப் பேதைமை செய்தனவே"

திருப்பாணாழ்வார் வந்து, 'கொஞ்சிக்கோ' என்று அடியெடுத்துக் கொடுத்துப் போனார். என் மனதைப் படித்தவன்போல் சிரித்துக் கொண்டே இடதுகையால் தனக்குப் பக்கத்தில் படுக்கையில் தட்டி 'வந்து படு' என்று சைகை செய்தான். பொய்க்கோபமாக டேபிள் மேலிருந்த பென்சிலைத் தூக்கி அவன்மேல் எறிந்தேன். வாசலில் ஆட்டோ சத்தம் கேட்டது.

     ஜன்னல் வழியாக, படுத்துக்கொண்டே தலையைத் தூக்கிப் பார்த்த ஸ்ரீதர், அப்பா வருவது தெரிய, 'மாமாவப் பாத்தே நாளாச்சு', மரியாதையும் பாசமுமாக ஒரு தற்காலிகப் படபடப்போடு எழுந்து லுங்கியைச் சரிசெய்துகொண்டே வாசலுக்கு நடக்கையில்... அதற்கும் முன்பாகப் பர்வதம் அத்தை 'வாங்கோ, இருக்கா ரெண்டுபேரும்' என்று தேவைக்கதிகமாக சிரித்துகொண்டே கதவைத் திறந்துவிட நெருங்குகையில்...
மிச்சப்பணத்தை வாங்கிக்கொண்டு ஆட்டோவை அனுப்பிவிட்டு, கைநிறைய பரிசுப் பைகளோடு வாசலிலிலிருந்தே அப்பாவின் பார்வை மட்டும் அனைவரையும் தாண்டிக்கொண்டு தன் பெண்ணைக் காண, துடிப்போடு வீட்டின் உள்துழாவும் போது...

     உற்சாகமாகவும் சந்தோஷமுமாகவும் எழுந்த நான் புத்தகத்தில் படித்துக்கொண்டிருந்த பக்கத்தில் அடையாளம் வைக்கும்முன், கவிதையின்மேல் ஒருமுறை அவசரப் பார்வையை ஓட்டினேன்…

     "சீதா கல்யாண வைபோகமே
      ராமா கல்யாண வைபோகமே”

      சிவதனுசு நகர்த்திப்
      பந்தெடுத்த சீதையை-
      பின் எப்பொழுதுமே
      பார்க்க முடிந்ததில்லை
      ஜனகனால்.

Read More